2017 GREEN TENTХамгийн анх 2017 онд ХААН Банк Playtime фестивальд ивээн тэтгэгчээр оролцон, хамтын ажиллагаагаа эхлүүлж байсан түүхтэй.Тухайн үед ХААН Банк QPay үйлчилгээг Монголд анхлан амжилттай нэвтрүүлсэн байсан бөгөөд цахим банкны үйлчилгээгээр тэргүүлэгчийн хувиар наадамд ирэхдээ заавал бэлэн мөнгөтэй ирэх шаардлагагүй гэх ойлголтыг үзэгчдэд хэвшүүлж чадсан билээ.
2018 GREEN HOUSEGO DIGITAL • STAY GREEN • BE COOL2018 онд ХААН Банк “GO DIGITAL • STAY GREEN • BE COOL” уриан дор Playtime фестивалийн ерөнхий ивээн тэтгэгчээр ажиллаж, наадмын өнгө төрхийг тодорхойлсон юм.Тухайн жилийн хамгийн сэтгэл хөдөлгөм мөчүүдийн нэг нь яахын аргагүй "Шөнийн галт тэрэг" хамтлагийн тоглолт байсан билээ.Олон жилийн туршид тайзан дээр гараагүй байсан цэнхэр шувууд Ногоон асарт эргэн ирснээрээ шүтэн бишрэгчдийнхээ сэтгэлийн утсыг хөндөж, насан туршдаа мартагдахааргүй дурсамжийг бүтээж чадсан.Мөн "Болор" хамтлагийн С.Оргил дуучин олон жилийн дараа "Яавал дээр вэ" тоглолтоо толилуулсан нь Ногоон асрыг улам ч халуун дулаан уур амьсгалтай болгосон юм.
2022 GREEN HOUSEХАМГИЙН САЙХАН ТҮҮХИЙГ ХАМТДАА БҮТЭЭЕ!Цар тахлын дараа ХААН Банк наадмын уур амьсгалыг байгаль орчинд ээлтэй, ухаалаг хэрэглээтэй хослуулан "Хамгийн сайхан түүхийг хамтдаа бүтээе" уриан дор Playtime фестивальтай дахин нэгдсэн билээ.Тухайн жилийн хамтын ажиллагаа зөвхөн хөгжмөөр хязгаарлагдсангүй, дэлхий нийтийн анхаарлын төвд буй "Тогтвортой хөгжил"-ийн үзэл баримтлалыг онцолж, байгальд ээлтэй ногоон шийдлүүдийг наадмын талбайд бодитоор нэвтрүүлснээрээ онцлог байв.
2023 GREEN HOUSEХАМТДАА АМЬДРАЛЫГ ТААШААЯ. GO LIVE!ХААН Банк 2023 онд “Хамтдаа амьдралыг таашаая. Go Live!” уриан дор Playtime фестивалийн стратегийн түншээр дахин ажиллаж, зуны хамгийн том баярыг наадамчидтайгаа хамт угтсан юм.Тухайн жил Ногоон асрын тайзнаа The Lemons, Ginjin & Mrs M, Amra, AM-C зэрэг амьд хөгжим, хип хоп урлагийн шилдэг төлөөллүүд уран бүтээлээ толилуулсан билээ.Түүнчлэн бид хүрэлцэн ирсэн харилцагчдынхаа баяр дээр баяр нэмж, наадмын үеэр хийсэн бүх худалдан авалтад 10 хувийн буцаан олголт (Cashback) олгосноор хамгийн хэмнэлттэй Playtime-ийн дурсамжийг хамтдаа бүтээж чадсан.
2024 GREEN STAGEЭХ ДЭЛХИЙ, ЭРХ ЧӨЛӨӨ, ЭНЭРЭЛ ХАЙР2024 онд Green House асар хүрээгээ тэлж, Green Stage тайз болон өргөжсөнөөр илүү олон үзэгчийг нэгэн дээвэр дор нэгтгэсэн.The Royal Heartaches, Ka, The Lemons, Delkhii зэрэг уран бүтээлчид бүрэн утгаараа тайзыг эзэгнэж, үндсэн тайзаас дутахааргүй олон хүнийг цуглуулан, наадмын талбайд жинхэнэ утгаар нь гал "асааж" чадсан билээ.Түүнчлэн энэхүү жилийн хамгийн онцлох мөч бол The Royal Heartaches хамтлаг үзэгчидтэйгээ анх удаа амьдаар уулзаж, анхны тоглолтоо Green Stage дээр толилуулсан явдал байв.Мөн Digi Pay аппликэйшний харилцагчид наадмын үеэр хийсэн худалдан авалтаасаа 20 хувийн буцаан олголт авч, хамгийн хэмнэлттэй Playtime-ийн дурсамжийг бүтээсэн юм.
